ვებ-გვერდი მუშაობს განახლების რეჟიმში
 
საქართველოს საგარეო საქმეთა მინისტრის მოადგილე ვახტანგ მახარობლიშვილი ირლანდიის საგარეო საქმეთა და ვაჭრობის დეპარტამენტის მეორე გენერალურ მდივანს შეხვდა

10.11.2017 ირლანდია - 10 ნოემბერს გაიმართა საქართველოს საგარეო საქმეთა მინისტრის მოადგილის ვახტანგ მახარობლიშვილის შეხვედრა ირლანდიის საგარეო საქმეთა და ვაჭრობის დეპარტამენტის მეორე გენერალურ მდივანთან, ევროკავშირის საკითხებში განყოფილების გენერალურ დირექტორთან რორი მონტგომერისთან.

მხარეებმა მიმოიხილეს საქართველო-ირლანდიის ურთიერთობების დინამიკა. აღინიშნა ორ ქვეყანას შორის ურთიერთობების ინტენსიფიკაციის მნიშვნელობა. მხარეები შეთანხმდნენ, რომ გააგრძელებდნენ მუშაობას მაღალი დონის ვიზიტების, ასევე ბიზნეს დელეგაციების ვიზიტების განხორციელების კუთხით. შეხვედრისას განსაკუთრებული აქცენტი გაკეთდა საქართველო-ევროკავშირის ურთიერთობების აქტუალურ მიმართულებებზე, მათ შორის 24 ნოემბერს ქ. ბრიუსელში დაგეგმილ „აღმოსავლეთ პარტნიორობის" სამიტზე. რორი მონტგომერი მიესალმა საქართველოს წარმატებებს ევროინტეგრაციის გზაზე და ხაზი გაუსვა ირლანდიის მხარდაჭერას ქვეყნის ევროპული არჩევანისადმი. მინისტრის მოადგილემ ირლანდიურ მხარეს გააცნო საქართველოს ხელისუფლების სამომავლო პრიორიტეტები ევროკავშირთან მაქსიმალური ინტეგრაციის მიღწევის თვალსაზრისით და ხაზი გაუსვა ევროკავშირის მხრიდან ძლიერი პოლიტიკური მხარდაჭერის მნიშვნელობას.

შეხვედრისას საუბარი შეეხო ასევე ზოგადად ევროკავშირის შიგნით მიმდინარე პროცესებს, რომელიც გაერთიანების მომავალ განვითარებას უკავშირდება, მათ შორის ე.წ. „ბრექსიტსა" და მის გამოწვევებს ირლანდიისთვის.

 
 

კვ ორ სა ოთ ხუ პა შა
      1 2 3 4
5 6 8
12 13 14 15 16 17 18
19 20 21 22 23 24 25
26 27 28 29 30    

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ