საიტზე მიმდინარეობს ტექნიკური სამუშაოები

საგრანტო პროგრამის - „იყავი შენი ქვეყნის ახალგაზრდა ელჩი“, “ განაცხადების შემოტანის ვადამ გადაიწია

ინიციატივით, საგრანტო პროგრამის - „იყავი შენი ქვეყნის ახალგაზრდა ელჩი“, ფარგლებში წარმოსადგენი განაცხადების შემოტანის ვადამ გადაიწია. საგრანტო განაცხადების წარმოდგენა თავდაპირველად შესაძლებელი იყო 2019 წლის 31 ოქტომბრიდან  - 20  ნოემბრის ჩათვლით. დიასპორის წარმომადგენლების თხოვნის გათვალისწინებით, განაცხადების შემოტანის ვადა გახანგრძლივდა და საბოლოო თარიღად განისაზღვრა მ. წ. 25  ნოემბერი.
 
საქართველოს საგარეო საქმეთა სამინისტროს „საქართველოს ახალგაზრდა ელჩების“ პროგრამა საშუალებას აძლევს საზღვარგარეთ მცხოვრებ ახალგაზრდებს, ერთწლიანი მანდატით, გახდნენ „ახალგაზრდა ელჩები“ და ხელი შეუწყონ საქართველოს პოპულარიზაციას ადგილსამყოფელ ქვეყნებში.
„ახალგაზრდა ელჩების“ მთავარი ამოცანაა კულტურული, საგანმანათლებლო და სპორტული ღონისძიებების განხორციელების საშუალებით, ქართველი და უცხოელი ახალგაზრდების ინფორმირება საქართველოს  ეკონომიკის, განათლების, კულტურის, სპორტის, ახალგაზრდული პოლიტიკისა და ისტორიის შესახებ და საქართველოს უცხოელ ახალგაზრდა მეგობართა ქსელის გაფართოება.
პროექტში მონაწილეობა შეუძლიათ ამერიკის შეერთებული შტატებში, ბელგიის სამეფოში, გერმანიის ფედერაციულ რესპუბლიკაში, თურქეთის რესპუბლიკაში, პოლონეთის რესპუბლიკაში, შვედეთის სამეფოში,  საფრანგეთის რესპუბლიკაში,  ესპანეთის სამეფოში, იტალიის რესპუბლიკაში, ირლანდიაში,  უკრაინაში, ჩეხეთის რესპუბლიკაში, დიდი ბრიტანეთისა და ჩრდილოეთ ირლანდიის გაერთიანებულ სამეფოში, საბერძნეთის რესპუბლიკაში ისრაელის სახელმწიფოში, ნიდერლანდების სამეფოსა და ავსტრიის რესპუბლიკაში მოღვაწე 18-დან 29-წლამდე საქართველოს მოქალაქეებს.
კონკურსის შედეგად შერჩეული „ახალგაზრდა ელჩების“ მონაწილეობით, საქართველოში გაიმართება, ახალგაზრდა ელჩების ამბასადორიალი, რომლის ფარგლებშიც „ახალგაზრდა ელჩები“ წარმოადგენენ საკუთარ ინიციატივებსა და ერთი წლის სამოქმედო გეგმას. ასევე, შეხვდებიან კულტურის, პოლიტიკის, ეკონომიკის, დიპლომატიური და სხვა სექტორების წარმომადგენლებს.
პროგრამაში მონაწილეობის შესახებ დეტალური ინფორმაციის მისაღებად და განაცხადის შესავსებად იხილეთ:
1.            საქართველოს ახალგაზრდა ელჩების პროგრამა
2.            საკონკურსო განაცხადის ფორმა
დამატებითი კითხვების შემთხვევაში დაგვიკავშირდით: ტელ.: (+995 32) 2945000 (შიდა - 3102, 3103).