ქ. კორკში მცხოვრები საქართველოს მოქალაქეების საყურადღებოდ! გაცნობებთ, რომ 2024 წლის 11 მაისს, საელჩოს საკონსულოს წარმომადგენლები მივლინებით ჩავლენ ქ. კორკში საქართველოს მოქალაქეთათვის საკონსულო მომსახურების ადგილზე გაწევის მიზნით.
2024 წლის 7 მარტს, ირლანდიაში საქართველოს საელჩომ, როგორც კულტურული პროგრამის „ფრანკოფონიის თვე“ ერთ-ერთმა თანაორგანიზატორმა, მონაწილეობა მიიღო დუბლინში მდებარე კინოთეატრში „Light House Cinema” გამართულ ღონისძიებაში.
ირლანდიაში საქართველოს საელჩოს და „ქართული კულტურის ცენტრი ირლანდიაში - ქართული დიასპორას“ ორგანიზებით, მიმდინარე წლის 4 თებერვალს, ქ. დუბლინის წმ. ავგუსტინეს ტაძარში ქართული პოლიფონიის კონცერტი გაიმართა. ქართული საგალობლები და ფოლკლორული სიმღერები შესრულდა საქართველოდან მოწვეული სტუმრების - ეთნომუსიკოლოგის, ხელოვნებათმცოდნეობის დოქტორის, თბილისის სახელმწიფო კონსერვატორიის ეთნომუსიკოლოგიის მიმართულების ხელმძღვანელის, ნატალია ზუმბაძის; მუსიკოლოგიის დოქტორის, ეთნომუსიკოლოგის, დავით შუღლიაშვილის; ეთნომუსიკოლოგის, ხელოვნებათმცოდნეობის დოქტორის, თბილისის სახელმწიფო კონსერვატორიის ასოცირებული პროფესორის ოთარ კაპანაძისა და ირლანდიაში მოქმედი ფოლკლორული ანსამბლის „კავკასიონის“ მიერ.
გილოცავთ კანდიდატის სტატუსს!
2023 წლის 5-6 დეკემბერს, საქართველოს საგარეო საქმეთა მინისტრის მოადგილე, თეიმურაზ ჯანჯალია სამუშაო ვიზიტით ირლანდიას ეწვია. ვიზიტის ფარგლებში, გაიმართა შეხვედრა ირლანდიის სახელმწიფო მინისტრთან ევროპის საკითხებში, პიტერ ბურკესთან. შეხვედრის მთავარი თემა იყო საქართველოს მიერ ევროკომისიის რეკომენდაციების შესრულების პროგრესი და ევროკომისიის დადებითი დასკვნა საქართველოსთვის კანდიდატის სტატუსის მინიჭების თაობაზე.
გაცნობებთ, რომ 26 ნოემბერს გაიმართება 2023 წლის საბავშვო ევროვიზიის კონკურსი. წელს საქართველოს ევროფესტივალზე, პირველი არხის პროექტ „რანინას“ გამარჯვებული, ანასტასია ვასაძე და მისი ფინალისტები, ნიკოლოზ ხარატი და ოთო ბაზერაშვილი წარადგენენ, სიმღერით „Over The Sky”. საქართველოს წარმომადგენლისთვის ხმის მიცემა შესაძლებელია ელექტრონული ფორმით, 24 ნოემბრის 19:00 საათიდან ბმულზე https://vote.junioreurovision.tv/
